Nome científico:

Chondrostoma polylepis

( Steindachner , 1864)

Clasificación:

Reino: animalia

Filo: Chordata

Clase: Actinopterygii

Orden: cipriniformes

Familia: Ciprinidae

Xenero: Chondrostoma

Especie. Chondrostoma polylepis

Ir a características

Nome galego:

Boga de río, peixe

Ir a características

Nome castelán:

Boga, pepa.

Ir a características

Aclaracións sobre o nome:

Despois de moitas voltas, estas fichas da miña páxina web distinguen entre o chamado peixe de río a secas e a boga de río. Estou escribindo dende Ourense, onde según Argibay a boga chamámoslle peixe,  e o escalo boga.

Aclaro as distincións, por suposto discutibles.

Vou poñer unha fotografía miña da boga e outra do peixe:

Nesta fotografía, cunha parte dunha pescata feita polo autor da web,  vense casi todos peixes e catro bogas. As bogas teñen a librea toda igual con escamiñas parecidas. Arriba a segunda a dereita é boga.

Nesta fotografía os peixes e as bogas están limpas polo que aparecen sin aletas e aberta o corpo.

Esta é unha boga para os pescos de Galicia. Por certo menos apreciada que o peixe, ten moita máis espiña e peor sabor.

Este é un peixe para os pescos de Galicia. Por certo con moito mellor sabor que a boga.

Nesta fotografía os peixes e as bogas están limpas polo que aparecen sin aletas e aberta o corpo.

Ir a características

Dimensións:

Este dibuxo reproduce bastante ben a boga de río.

Talla máxima 25 cms.. O normal é que boten 10 cms.

Fotografía dunha boga. S. Lorenzo. Autor da www.

Viven entre 8 a 10 anos.

Ir a características

Identificación:

Boca ínfera, case terminal e sen barbelas. Color castaña-dourada no dorso, máis clara na zona ventral.

A boga é bastante panzurrona, ten unha escama forte , blanca é nítida. A súa librea brila.

Boga. Fáltanlle as aletas, que foron cortadas.

Ir a características

Habitats:

Augas de fluxo lento e encoradas. Tamén se atopa nos cursos medios dos ríos.

Tamén suben as correntes.

Ir a características

Alimentación:

Come un pouco de todo, preferentemente vexetación inda que lle gustan, por suposto, todos os animais invertebrados. Concretamente o casullo vólveas tolas. É un decir ...

Ir a características

Desove:

Primaveira - verán. Suben en grandes bandadas por todo o río e fan a posta en lugares  de area e seixos.

Os paisanos e a xente que entende chámanlle "a raña" dos peixes. Cando se collen soltan leite, son os ovos por suposto.

Os machos desenrolan numerosos tubérculos nupciais moi pequenos por todo o corpo.

Alcanzan a madurez os 3 - 4 anos.

A reproducción fana entre marzo e xuño.

As femias poñen entre 1000 e 8000 ovos.

Ir a características

Vese nos meses de...

Todo o ano.

A mellor boga é a de principios de maio que é cando suben os ríos, si temos un encoro por baixo, por suposto.

A boga dos encoros sabe moito a lodo por regra xeral.

Ir a características

Interés:

Aguanta moito a contaminación, incluso a eutroficación das augas. Aliméntase de algas inda que tamén comen invertebrados acuáticos.

Ir a características

A súa pesca:

A súa pesca deportiva é doada. Un anzó do 16 , uns plomos e un corchiño.

 

Como cebo vale perfectamente o bicho do casullo ou o gusano da carne o asticot. Turran bastante .

Persoalmente prefiro o chamado peixe, paréceme máis sabroso que esta boga.

Este é o que chamamos peixe en Ourense.

O peixe ten menos espiña e si é pequeno cómese todo. A boga pola contra ten máis espiña, hai que ter cuidado. É menos sabrosa.

É certo que si se cociñan ben,  as bogas,  poden resultar sabrosas, o modo de Ourense é moi rico: con sal, allo, perexil, pimentón e aceite, todo moi ben revolto e logo fríense  derretindo previamente un pouco de unto no aceite. (Argibay).

Ir a características

Protección:

Según o libro recientemente publicado, febreiro do 2001 "Atlas y libro rojo de los peces continentales de España" está especie non está amenazada pero reducirase nun 20% os próximos anos debido á introdución nos nosos ríos de especies exóticas como a carpa e outras.

Ademais as minicentrais e encoros ( en Galicia non paran, a Xunta en xulio do 2001 ten previsto facer 34 encoros e 100 minicentrais ata o 2010, unha desfeita auténtica)  , a extracción de áridos, o mal uso dos regos no verán que deixan os ríos secos e morre todo canto hai, e sobre todo a contaminación galopante rebaixaran o número de bogas nos próximos anos.

Ir a características

Fotografías:

Mándame Marco Arruda estas fotografías da Chondrostoma Polylepis, dime que son do río Tejo :

Moitas gracias polas fotografías Marco.

Pola miña banda incorporo posteriormente as seguintes:

Grupo de peixes e bogas xa limpas para comer...

Boga. (Sin aletas)

Peixe.(Casi sin aletas)

Ir a características

DISTRIBUCIÓN EN GALICIA.

BOGA DE RÍO

A boga de río habita casí todos os ríos galegos, quizás sexa menos común na provincia de Lugo, salvo o Miño, e máis común en Pontevedra e Ourense.

Dende logo hai moitas no Tambre, Ulla, Umia , e no río Miño.

A boga abonda moito máis que o peixe ou escalo. Soporta a eutrofización das augas e de feito aliméntase de algas, sobre todo cando xa ten anos. Vai polo tanto para arriba e cada día hai máis.

Ir a características

O PEIXE ( OUTRO TIPO)

Cando vou de pesca "ó peixe" , a lugares  como Leboreiro, Chandrexa de Queixa, etc. , á volta, na miña cesta veñen dous  tipos de peixes:

Chondrostoma polylepis ( boga de río) 

Boga pescada no río Navea, na presa dos Peixes, o día 28 de julio do 2001. Tamaño 15 cms. Cebo : bicho branco.

Por certo o 90% dos peixes que se collen actualmente neste río son bogas do estilo da fotografía. Unha magoa xa que penso que o peixe e moito mellor.

Chondrostoma duriensis ( peixe).

Este é o que eu chamo peixe, pescado no río Navea, na presa dos Peixes, o día 28 de julio do 2001. Tamaño 18 cms. Cebo : bicho branco.

Por certo o 10% dos peixes que se collen actualmente neste río son desta especie, que para mín é fora de serie. Unha magoa xa que penso que este peixe e moito mellor e superior a boga.

Agradezo a axuda recibida dende Portugal para aclarar o nome destes peixes.

Nota : efectivamente no seu día recibín dende Portugal unha aclaración no sentido de que o primeiro (a boga) é un Chondrostoma polylepis e o segundo (o peixe) é unha subespecie chamada Chondrostoma polylepis duriense.

Agradezo esta aclaración. Fago unha nova ficha efectivamente deste peixe, que para mín é dos mellores.

Por certo está información está confirmada no libro "Atlas y libro rojo de los peces continentales de España" de I. Doadrio e avalado polo Ministerio de Medio Ambiente de España e o CSIC ( Consello superior de investigacións científicas). Xulio 2001.

Nesta fotografía, cunha parte dunha pescata feita polo autor da web,  vense casi todos peixes e catro bogas. As bogas teñen a librea toda igual con escamiñas parecidas. Arriba a segunda á dereita é boga.

Nesta fotografía os peixes e as bogas están limpas polo que aparecen sin aletas e aberta o corpo.

Esta é unha boga para os pescos de Galicia. Por certo menos apreciada que o peixe, ten moita máis espiña e peor sabor.

Este é un peixe para os pescos de Galicia. Por certo con

moito mellor sabor que a boga.

Nesta fotografía os peixes e as bogas están limpas polo que aparecen sin aletas e aberta o corpo.

Ir a características