Mapa de Galicia e o río Miño
onde se ve que é o río principal de Galicia, cun
afluente, o río Sil, moi importante. Recorre as
provincias de Lugo, Ourense e Pontevedra.
O río
Miño é un río galego que nace no
Pedregal de Irimia, na serra de Meira en Lugo. Moitos
falamos de Pai Miño.
Pai Miño:
non por que sexa o pai dos ríos galegos, que non
é, sinon por que en tempos era un pai que daba moita
riqueza en pesca; non tendes máis que ver os miles de
kg. que se facturaban, polos anos 1920-1930, tódolos anos
de sable, salmón, troitas, reos, anguías, angulas,
lampreas e sollas. Toda unha riqueza que foi desaparecendo.
Por suposto é o río máis
importante de Galicia.
En Portugal chámanlle río Minho,
e eu penso que lle dan máis importancia que nos...e dame rabía...
Eles disfrutan de 75,5 km e
nos do resto. Eles teñen o río ceibe e nos non, que llo digan ao
gran poeta Xosé Conde Fdez. que cantaba así, sobre
o río Miño, non fai moito:
Onte, ceibe,
hoxe, prisioneiro.
Enmudeceu o teu cantar de
paxaro.
Río Miño en pochancas,
escravo es dos ratos
que amoedan os teus pulos.
En tempos de denantes
fuches merlo segrel,
poeta lírico.
...
Fotografía do nacemento do río Miño
no Pedregal de Irimia. Meira (Lugo). Un pequeno rego.
Autor da
fotografía Secundino Lorenzo.
Video do río Miño no nacemento no
Pedregal de Irimia. Tamén o video recorre o seu paso por Fonmiñá onde se
decía antigamente que nacía o río Miño. Moita xente dice que o Pedregal
e Fonmiña comparten o nacemento do río Miño.
De tódolos xeitos tanto o Pedregal
de irimia como Fonmiña hai que visitalos; dous lugares marabillosos de
Galicia.
Autor do video Secundino
Lorenzo.
O río Miño ten 307,5 km. de lonxitude.
No seu recorrido presenta máis de cincuenta pontes, tres romano-medievais, cinco grandes encoros e
por riba de 50 afluentes.
É, como está dito, o río principal de
Galicia, pero tamén é un río principal
no sentido de que posúe un caudal determinado e desemboca no mar, palabra
que se opón ao nome de afluente ou tributario que xa figuran no dicionario
fluvial.
Pasa polas provincias de Lugo,
Ourense e Pontevedra e desemboca no Océano Atlántico entre Caminha
(Portugal) e a Garda (Pontevedra).
Desembocadura do río Miño entre o Monte
Tegra (A Garda) e Caminha. A foto está sacada dende a Ermita de San
Antâo en Caminha.
Fotografía de Secundino Lorenzo.
Video do río Miño que mostra a
marabilla do Estuario do río dende distintos miradores: Vilanova de
Cerveira, Ermita de Santo Antâo, dende o Monte do Faro en Valença, dende
o Niño do Corvo, dende o Monte Tegra na Guarda, dende Camposancos na
desembocadura...
Autor do video Secundino
Lorenzo.
IMPORTANTE:
Nesta misma páxina tendes un estudio a
fondo deste río, onde aparecen descritas as súas características físicas,
dende o nacemento, incorporo romances coas lendas, as Pontes todas, os afluentes,
os encoros, en tempo real, a súa fauna, flora, as ínsuas, a
importancia da pesca no río Miño, as fronteiras con Portugal, as cidades e
vilas importantes que
recorre, videos, a súa relación co viño, as enchentas do río, os
misterios, que hai moitos, as termas a carón do río, os centros de
interpretación do Pai Miño xa feitos e os previstos; por certo non van
adiante, é básico un centro de interpretación digno en España, sí o teñen os
portugueses en Vilanova de Cerveira; as lendas e contos máis
importantes, a literatura en torno a este río, poesía, novela e ensaio, a prensa que fala do Miño , a súa música, sendeiros que ó recorren, os
datos en tempo real da Confederación do Miño-Sil e mais de 150 artigos relacionados co río.
Remato cunha ampla bibliografía comentada.Tamén dous traballos maravillosos:
un sobre o río Miño "Miño sereno", que ten apartados entrañables e de
moita calidade, e outro traballo "Migra Miño-Minho" conxunto entre
especialistas de España e de Portugal co obxetivo de lograr a mellora das
condicións do habitat fluvial e tomar medidas que logren a conservación das
especies migratorias, unha idea única e moi esperanzadora.
Ten a maiores unha amplia colección de
fotografías, a maior parte delas personais.
O pai Miño merecía unha páxina completa,
viva
e aberta; por certo que estuvera feita en galego e castelán (ó que
sexa traducible, as poesías e frases non, deixoas en galego...).
Páxina viva, na que se está metendo
información con todas as novedades e eventos importantes que afectan ao noso
río.
Esto decía Celso Emilio Ferreiro, o
gran poeta galego, e neste momento copio para mín, ao pé da letra,
o seu desexo que no futuro tamén me gustaría asumilo:
Cando escribo esto non son sombra
namorada, pero non me queda moito xa que teño casi oitenta anos. Avísame e
cando poidamos, seremos dous máis coas anduriñas para ollar, escoitar
e disfrutar do río Miño...
Eu !!!sempre estuven namorado dese
río!!!, pensa Celso Emilio que nese río collín a miña primeira troita,
aló por Francelos...ano 1968...e eso non se esquece nunca...
.jpg)
Saír.