Mapa de Galicia e o río Miño onde se ve que é o río principal de Galicia, cun
afluente pola esquerda e nos Peares, o río Sil, moi importante. Recorre as
provincias de Lugo, Ourense e Pontevedra.
O río
Miño é un río galego que nace no
Pedregal de Irimia, na serra de Meira en Lugo; e tamén é un río
portugués, que lle dicen río Minho. Moitos
falamos de Pai Miño ou Pai Minho.
Galicia tiña que estar
casada co río Miño, que chaman así dende a beira dereita do río
e nos últimos kms. 75,5 dicen tamén río Minho. Ver esta petición
nun mosaico que hai na Cámara de Monçao , e que son uns versos de
João Verde, pseudónimo do poeta José Rgues. Vale (1867-1934), e
que teñen moito que ver co Minho:
Vendo-os asim
tão pertinho,
A Galiza mais
o Minho
São como dois
namorados
Que o río traz
separados
Quasi desde o
nascimento.
Deixa-os, pois,
namorar,
Já que os pais
para casar
Lhes não dão
consentimento
Chámanlle Pai Miño:
non por que sexa o pai dos ríos galegos, que non
é, sinon por que en tempos era un pai que daba moita
riqueza en pesca; non tendes máis que ver os miles de
kgs. que se facturaban, polos anos 1920-1930, tódolos anos
de sable, salmón, troitas, reos, anguías, angulas,
lampreas e sollas. Toda unha riqueza que foi desaparecendo.
Por suposto é o río máis
importante de Galicia.
En Portugal, repito, chámanlle río Minho,
e eu penso que lle dan máis importancia que nós...e dame rabía...
Pensai que o único centro
de Interpretación serio e ben montado que hai en toda a cunca do
río Miño está en
Vila Nova de Cerveira é o Aqua Museu do río Minho, estos días
inauguraron un en Fonmiñá, pero non é o que merece este río. ¡
Sinto vergoña!. En Ourense estamos a esperar un en Puga, pero
penso que foi o típico bulo político, xa que de momento,
decembro de 2025, soio está a casa onde debera facerse...
Eles, os portugueses, disfrutan de 75,5 km e
nos de todo. Eles teñen o río ceibe de encoros e nós non, que llo digan ao
gran poeta Xosé Conde Fdez. que cantaba así, sobre
o río Miño, non fai moito:
Onte, ceibe,
hoxe, prisioneiro.
Enmudeceu o teu cantar de
paxaro.
Río Miño en pochancas,
escravo es dos ratos
que amoedan os teus pulos.
En tempos de denantes
fuches merlo segrel,
poeta lírico.
...
Fotografía do nacemento do río Miño
no Pedregal de Irimia. Meira (Lugo). Un pequeno rego.
Autor da
fotografía Secundino Lorenzo.
Non deixedes de ver este video,
dunha das moitas visitas que fixen ao Pedregal de Irimia e a
Fonmiñá.
Video do río Miño no nacemento no
Pedregal de Irimia. Tamén o video recorre o seu paso por Fonmiñá onde se
decía antigamente que nacía o río Miño. Moita xente dice que o Pedregal
e Fonmiña comparten o nacemento do río Miño.
De tódolos xeitos tanto o Pedregal
de Irimia como Fonmiña hai que visitalos unha vez na vida polo menos; dous lugares marabillosos de
Galicia.¡Merece a pena!.
Autor do video Secundino
Lorenzo.
O río Miño ten 307,5 km. de lonxitude.
No seu recorrido presenta máis de cincuenta pontes, tres romano-medievais, cinco grandes encoros e
por riba de 50 afluentes. Todo esto está na miña páxina web sobre o río Miño
con bastantes detalles...
É, como está dito, o río principal de
Galicia, pero tamén é un río principal
no sentido de que posúe un caudal determinado e desemboca no mar, palabra
que se opón ao nome de afluente ou tributario que xa figuran no dicionario
fluvial.
Pasa polas provincias de Lugo,
Ourense e Pontevedra e desemboca no Océano Atlántico entre Caminha
(Portugal) e a Garda (Pontevedra).
Desembocadura do río Miño entre o Monte
Tegra (A Garda) e Caminha.
A foto está sacada dende a Ermita de San Antâo en Caminha.
Fotografía de Secundino Lorenzo.
Video do río Miño que mostra a
marabilla do Estuario do río dende distintos miradores: Vilanova de
Cerveira, Ermita de Santo Antâo, dende o Monte do Faro en Valença, dende
o Niño do Corvo, dende o Monte Tegra na Guarda, dende Camposancos na
desembocadura...¡Unha pasada que hai que ver e disfrutar!
Autor do video Secundino
Lorenzo.
Decía Otero Pedrayo sobre esta
paisaxe que era "...un dos máis solemnes e
saudosos paisaxes da Europa Atlántica...".
E ollo que tiña razón...
IMPORTANTE:
Nesta misma páxina tendes un estudio a
fondo deste río, onde aparecen descritas as súas características físicas,
dende o nacemento; incorporo romances coas lendas, as Pontes todas, os afluentes,
os encoros, en tempo real, a súa fauna, flora, as ínsuas, a
importancia da pesca no río Miño, as fronteiras con Portugal, a raia seca e
a mollada, as cidades e
vilas importantes que
recorre, videos, a súa relación co viño, as enchentas do río, os
misterios, que hai moitos, as termas a carón do río, os centros de
interpretación do Pai Miño xa feitos e os previstos; por certo non van
adiante, é básico un centro de interpretación digno en España, sí o teñen os
portugueses en Vilanova de Cerveira; as lendas e contos máis
importantes, a literatura en torno a este río, poesía, novela e ensaio, a prensa que fala do Miño , a súa música, sendeiros que ó recorren, os
datos en tempo real da Confederación do Miño-Sil e mais de 150 artigos relacionados co río.
Remato cunha ampla bibliografía comentada.Tamén dous traballos marabillosos:
un sobre o río Miño "Miño sereno", que ten apartados entrañables e de
moita calidade, e outro traballo "Migra Miño-Minho" conxunto
feito por
especialistas de España e de Portugal co obxetivo de lograr a mellora das
condicións do habitat fluvial e tomar medidas que logren a conservación das
especies migratorias, unha idea única e moi esperanzadora.
Por certo hoxe,
setembro de 2025 están moi preocupados polo deterioro do Miño na súa parte
final.
Ten a maiores unha amplia colección de
fotografías, a maior parte delas personais.
O pai Miño merecía unha páxina completa,
viva
e aberta; por certo que estuvera feita en galego preferentemente e
tamén en castelán (ó que
sexa traducible, as poesías e frases non, deixoas en galego, faltaría
máis...).
Páxina viva, na que estou metendo
información con todas as novedades e eventos importantes que afectan ao noso
río, inda hoxe decembro do 2025.
Esto decía Celso Emilio Ferreiro, o
gran poeta galego de Celanova, e neste momento copio para mín, ao pé
da letra, seu desexo que no futuro tamén me gustaría asumilo:
Tamén eu algún día
sombra serei, pero sombra namorada,
e voltarei a tí coas anduriñas
nunha outra mañán crara
para ollarte pasar
-forte varón da auga-
i escoitar o teu canto de esperanza.
¡¡Manda aviso Celso Emilio, supoño
que virás a Ponte Maior de Ourense, a ponte romano_medieval marabillosa que
temos, a unha das nosas tres xoias!!. Gustaríame acompañarte...Enténdase
que no seu día, cando sexa sombra...
Cando dende a Ponte Vella de Ourense
miro para o río e vexo unha bandada de anduriñas, sempre te vexo, sei que
vés moitas veces xa que sempre fuches un home de palabra...
Cando escribo esto non son sombra
namorada, pero non me queda moito xa que teño oitenta anos. Avísame, no seu
día e
cando poidamos, seremos dous máis coas anduriñas para: ollar, escoitar
e disfrutar do río Miño...
Eu !!!sempre estuven namorado dese
río!!!; e inda sinto moito cariño cando estou ao seu carón, pensa Celso Emilio que nese río collín a miña primeira troita,
aló por Francelos, preto de Ribadavia...ano 1968...e eso, un pescador de
troitas de toda a vida, nono esquecerá nunca...
¡¡¡Conto contigo, avísame no seu día
Celso Emilio!!!
.jpg)
Saír.