As ínsuas son pequenas illas nos ríos , con ou sin vexetación. Algúns tamén lle chaman illotes, pero penso que non é correcto.

Normalmente chámase ínsua nos ríos e illa ou illiña no mar. Inda que se da de todo. Aparece tamén o nome de ínsula e asuiña.

 

Ínsua na desembocadura do pai dos ríos galegos:o río Miño, entre Camiña e A Guarda. Neste lugar hai ata 14 ínsuas, algunhas internacionais e outras de España e Portugal. A ínsua, neste caso a Canosa,  vese perfectamente no medio do río. Son famosas as ínsuas do Ulla ,por exemplo;  tamén algunhas do río Avia e por suposto do Miño. De tódolos xeitos as ínsuas do río Ulla en Gres son únicas e merecen unha reportaxe aparte. Fai pouco, xuño do 2005 faláronme dunha ínsua marabillosa no río Arnego na Agolada. É certo, sensacional, pero está ameazada por unha minicentral. Está en Ponte Cabalos. Tendes fotografías nesta misma web. Parece que a minicentral  non se vai facer. Enhoraboa.

Ínsua de Preboubo, no encoro de Prada, xusto na cabeceira. Por detrás desta ínsua está no fondo do encoro un pobo sensacional Alberguería que quedou asolagado totalmente en 1958. Esta ínsua non é como as do Miño, apareceu ao asolagar  o encoro de Prada o pueblo de  Alberguería e outros pobos da zona da Veiga en Ourense. Os veciños que viven da antiga Alberguería teñen unha páxina www, da que son webmaster, os que lles boto unha man para revivir ao seu pobo. Estou tremendamente orgulloso desa páxina. Dáme moitas satisfacións. Por certo son "fillo adoptivo" dese pueblo, pueblo que descoñecía no ano 1998.

Esta carballeira que se ve na fotografía (do autor da www) está situada no interior dunha ínsua preciosa situada no río Ulla, concretamente trátase da carballeira de Gres en Vila de Cruces.  Realmente fermosas as insuas que o río Ulla ten nese pobo.

Na imaxen a insua que hai en Gres. Río Ulla. Nesta imaxen sacada do Google Earth vese Gres e o río Ulla, tamén señalei a carballeira de Gres que é unha insua bastante grande e dende logo marabillosa. Non se ve moi ben a flecha que puxen de coor blanco pero é doado seguir o río na parte dereita e ver como se divide en dous antes de chegar a Ponte Ledesma que se ve perfectamente. Fai pouco, outubro de 2012 fixen este video para mostrar esta e outras marabilllas do río Ulla.

Esta imaxen está sacada en xuño do 2005 na ínsua que existe na Agolada moi preto da Ponte dos Cabalos. Desta ínsua faloume un amigo Manuel Busto Galego. Efectivamente é unha auténtica marabilla de 200x70 metros, bordeada polo río Arnego. Para mín un auténtico xardín botánico. Por certo falan de que quedará destruida por unha minicentral (hoxe no 2007 parece que non se fará). Ver este link. País...

Insua pequena no Xares. Nesta fotografía vese unha insua moi pequena no río Xares na Veiga ( Ourense). Neste caso a ínsua tamén ten vexetación. Saír.