Un meandro ou retorta  é unha curva ou sinuosidade moi pronunciada dunha corrente fluvial.

     Tamén se chaman retorta, revoltas, reviraboltas, cóbados, recovo, recoveiros, recovio, reconco.

Tamén se dice que o río cobreguea (cobreguear) ou serpea (serpear) que é cando se estende o río formando voltas e ondulacións, ou sexa facendo meandros, revoltas, etc.

Os meandros fórmanse cando o río perde velocidade en terreos chans e discorre formando curvas que se van redondeando e facéndose cada vez maiores. Erosiónanse pola parte externa, xa que a velocidade e moito maior ademais de menos profundo,  e os sedimentos vanse deixando na parte interna, onde tamén é máis profundo.

Meandro incríble do río Miño preto de Arbo.  Vista dende a ponte que cruza a Portugal, en Arbo (Pontevedra).  Un lugar impresionante é único, onde inda podemos ver un río : o río Miño. Aquí o río cobreguea de xeito claro... Foto do autor da www.

Retorta no río Miño. Esta fotografía non é miña, aparece nun libriño de José Mª Castroviejo sobre a caza e a pesca.  Mostra o pai Miño, por debaixo de Sela,  e vense perfectamente os meandros, retortas ou  ou reviravoltas que ten este río. Os rápidos que se ven están formados polas pesqueiras que hai no río. Unha zona marabillosa que vai a menos, xa que o río vai mal...

Retortas no río Lor no Caurel.     O río Lor é un dos mellores ríos e mellor conservados ríos de Galicia. Unha auténtica marabilla, inda no ano 2014.

Reviravoltas ou meandros no río Navea en Chandrexa Ourense.   A fotografía é do autor da www e mostra unhas reviravoltas ou retortas nun río sensacional.  Os ríos en Galicia cada vez están peor e cando se atopa un río nestas condicións os calificativos quédanse cortos.

Meandros no río Xares e no río Corzos. Os meandros vense perfectamente nestes dous ríos, fotografía do autor da www, xaneiro do 2002, o encoro de Prada baixo mínimos. Neste caso é a cola do encoro e vese a esquerda o río Xares cós seus meandros e a dereita o río Corzos, o lugar é a Veiga en Ourense. Entre ambos vese como deixa un encoro o terreno....podre. Neste lugar non viven nin a rás.

 

Poño a continuación os dous meandros máis famosos de Galicia na miña opinión, xa sabedes que a cousa é moi opinable e depende...

Trátase do chamado "Cabo do mundo" en plena ribeira Sacra do río Miño en A Cova (San Martiño), O Saviñao. Por certo a dereita está unha das bodegas de sona desta Ribeira Sacra. A fotografía é miña nunca excursión que fixen do románico da zona, marabilloso, aqui a esquerda está a igrexa de San Martiño, unha preciosidade.

Meandro da Cubela no río Sil, deste lado o Concello de Ribas do Sil e do outro o de Poba de Brollón. O pobo da Cubela que está a dereita é marabilloso. O meandro claro, o encoro de San Estebo estaba en obras e permitía ver a zona como era no século XIX e anteriores. Para mín único...A fotografía tamén é miña...

Moitas veces non é este caso xa que o río Sil está embalsado o río corta o meandro polo medio, a este non lle faltaba moito e desaparece o meandro deixando unha especie de lagoa que se chama galacho.

Neste dibuxo vese o resultado final, o río enderézase e queda esa lagoa en forma de anelo circular, que se chama galacho. Repito non é o caso da Cubela xa que a erosión nese lugar prácticamente non existe co encoro.

A dinámica deste meandros é incrible.

Casi a misma fotografía anterior pero como está habitualmente coas augas do encoro e medio eutrofizado ver a dereita. A fotografía non sei de quen é.

Saír.