A beira do río é o que está inmediatamente xunto o río sin ser río. 

Hai moitos tipos de beiras según os ríos, por exemplo no río Miño en Arbo as beiras son de coio ou cantos rodados.

Tamén se fala de ribeira, orela, ourela, beira, beiral, bordo, marxe, etc.

Fálase tamén do bosque de ribeira, para indicar o conxunto de árbores e plantas que hai a carón dos ríos.

Si o terreno que está a beira do río é moi pendente, case vertical, chámase ribada, tamén terraplén, ribón, ribado ou ribazo.

Río Xares en Ourense. A beira esquerda do río está formada por herbas verdes, xuncos, espadañas, etc. (Supoñemos que o río vai cara a ponte) Hai xente que non ten claro cal é a beira esquerda ou a dereita dun río: moi simple,  si teoricamente ou virtualmente ou realmente te situas nun lugar do río e miras para onde vai a corrente, a beira dereita correspóndese exactamente coa túa dereita e a beira esquerda coa túa esquerda.

Río Miño en Selas. As beiras son de coio, típico deste río. Nesta fotografía este home está na beira dereita do río Miño.

Río Navea en Chandrexa. Río Navea en Ourense, as beiras son prados e tamén o típico bosque de ribeira formado, neste caso por bidueiros e salgueiros. Aquí a beira esquerda é a da carretera, pero non está claro xa que habería que saber a corrente para onde vai. Evidentemente eu seino, é o meu río de sempre...

Río Miño en Ourense Neste caso a beira é do río Miño en Ourense, xusto por debaixo dos caños e moi preto da Peña de Francia. Unha beira preciosa chea de flores neste caso azuis. Son cardos. Os paseos pola beira do río Miño en Ourense son marabillosos. A pena é que o río Miño non está saneado.

Río Navea en Chandrexa. Preto da Ferrería. Río Navea en Ourense, as beiras son prados e tamén o típico bosque de ribeira formado, neste caso por bidueiros e salgueiros. Hai tamén moito capudre (serbal)  e acivro.

Ribada no río Viñao en Ourense. A ribada é distinta nesta fotografía do río Viñao tanto unha beira como outra son ribada, ou sexa,  terreo moi pendente, case que vertical a beira dun río.

Bosque de ribeira, neste caso do río Barbantiño. Neste bosque abondan os amieiros, carballos, freixas e moitos fentos.

Nesta fotografía a beira dereita do río é precisamente a esquerda da fotografía.

Saír.